Tea Library (Closed)

早排經過中環見到有一間飲品店好特別，佢係主打茶葉飲品，但又有少少混合咗新式嘅飲品配料，肥妹仔我覺得好特別，所以就拉埋肥媽試一試。呢一間舖頭並唔係普通嘅飲品店，佢嘅所有茶底係每天都有店員用四種茶葉沖成，全天然，一啲都唔馬虎! 肥妹仔我仲特登問過店員，原來佢嘅所有茶葉係由兩間香港老字號茶葉供應商入貨，所以飲落去絕對有品質嘅保證! 肥妹仔我仲聽到原來佢哋所有嘅茶底都唔會落糖漿或者任添加任何有化學成分嘅物質，好天然好健康㗎。芝士黑朱古力珍藏普洱  $48肥妹仔我就試咗呢一個芝士黑朱古力珍藏普洱，飲落去好特別，因為平時肥妹仔飲得朱古力多，但係就未試過飲朱古力溝茶。 飲落去除咗有朱古力嗰種香濃嘅味道之外，仲飲到好濃厚嘅普洱味。你哋可能會覺得好奇怪，但係個感覺意外地夾，而佢嘅芝士帶少少微酸，係由新鮮嘅忌廉打成，溝埋朱古力普洱一齊飲又係另外一番滋味。芝士火龍銀毫茉莉龍珠  $48火龍果對身體好就係人都知，但係肥妹仔同好多人都係一樣，未飲過火龍果汁溝茉莉茶。飲落去除咗又好濃嘅火龍果味之外，清香嘅茉莉花茶嗰種味亦都唔輸蝕，飲落去好搭。