Lucky•綠 (Closed)

手搖飲品我一向都好少飲，始終太多添加劑同糖份，對健康無益。友人同我相反，經常飲唔同Brand既手搖同珍奶，佢話近日發現左一間用新鮮水果、蔗糖製成既手搖飲品店，成份天然健康，幾適合我。我聽完都有少少興趣，就跟佢去買杯試下。大氣原諒綠 $38友人揀左個名好趣怪既飲品，佢話飲落似青檸水，但唔會超酸，無苦味，味道清新自然，夠Fresh白桃雪山烏龍 $34 （微糖走冰）我就揀左店舖推薦既白桃，個杯有少少Cyber feel，上面有好多cream 幾滑，味道唔會好甜。似落幾香白桃味，而且飲到係用真果汁整，成份天然，加上用蔗糖製成，無一般手搖飲品既死甜，而且同烏龍茶味道幾夾，微糖岩岩好，飲完幾舒服。果然真材實料，岩晒注重健康既朋友仔。小店除左有多款健康果茶，仲有其他小食，有機會可以再試。