Talk 2 DeCream (Closed)

今日支持下呢間黃店Talk 2 DeCream鋪頭裝修風格極之有少女feel, 主要顏色用左鮮粉紅色，搶眼之餘又吸引女仔打卡！雪糕分杯裝同埋三款筒裝，而味道主要有白色既玫瑰牛奶味雪糕同埋黑色既朱古力味，兩款雪糕都分別會配搭左唔同既toppings生蜂蜜玫瑰奶杯生蜂蜜係指天然封蓋同埋未經加熱處理既蜂蜜。生蜂蜜含有高濃度既抗氧化物同礦物質，比一般蜂蜜更加有益架！雪糕base 有玫瑰味，原來係店主用左玫瑰味水去整雪糕！好正！！ 朋友叫左黑白芝麻奶杯，勁重芝麻味，有啲好似食緊芝麻糊既感覺！入面係朱古力味雪糕，朱古力都好濃！