Video
Read full review
2019-02-15
1818 views
情人節夜晚當然由我煮😌咁lunch就約fiancé出去食啦！揀左呢間之前想試既bagel，上次撞唔啱佢夜晚開所以食唔到，佢淨係星期四五先開埋夜晚。黎到佢先俾左兩杯熱果茶我地，淡淡地幾好飲，但唔知係乜果茶。重可以自己自助添架！揀左Bagel Prince，有煙三文魚、火腿、牛油果醬、番茄、青瓜、生菜、芝士醬同cream cheese。bagel係粉紅同深啡色扭紋，粉紅色係用紅麴，深啡色用黑麥，唔算係好韌好難咬個種，之前食過台灣好丘貝果，fiancé 要用口同手鬥扯先咬開😂😅呢度係帶點煙韌同軟身既感。煙三文魚唔係好靚，食落好腥，扣左分，同埋用呢隻夾三文治既火腿都麻麻地，但啲醬mix埋食落幾好味。跟埋個沙律用左沙律醬好單調，反而後面個兜商務餐跟既沙律配芝麻醬好食好多。商務餐叫左千島醬芝士烤雞斑馬軟法包，好軟熟！用手就搣得開一半！叫斑馬係因為一黑一白咁間住，黑色部分用左竹炭。雞有啲鞋，有千島醬夠芝士呢個穩陣配搭唔會難食，幾好味，好鍾意佢個包咁鬆軟！下次會想試佢啲墨西哥卷。商務餐重包一件蛋糕同一杯野飲，叫左低脂岩鹽咖啡同藍橙檸檬芝士蛋糕，岩鹽咖啡係面頭有pat 凍凍地既cream，上面撒左啲可可
揀左Bagel Prince，有煙三文魚、火腿、牛油果醬、番茄、青瓜、生菜、芝士醬同cream cheese。bagel係粉紅同深啡色扭紋，粉紅色係用紅麴，深啡色用黑麥，唔算係好韌好難咬個種，之前食過台灣好丘貝果，fiancé 要用口同手鬥扯先咬開😂😅呢度係帶點煙韌同軟身既感。煙三文魚唔係好靚，食落好腥，扣左分，同埋用呢隻夾三文治既火腿都麻麻地，但啲醬mix埋食落幾好味。跟埋個沙律用左沙律醬好單調，反而後面個兜商務餐跟既沙律配芝麻醬好食好多。
商務餐叫左千島醬芝士烤雞斑馬軟法包，好軟熟！用手就搣得開一半！叫斑馬係因為一黑一白咁間住，黑色部分用左竹炭。雞有啲鞋，有千島醬夠芝士呢個穩陣配搭唔會難食，幾好味，好鍾意佢個包咁鬆軟！下次會想試佢啲墨西哥卷。
商務餐重包一件蛋糕同一杯野飲，叫左低脂岩鹽咖啡同藍橙檸檬芝士蛋糕，岩鹽咖啡係面頭有pat 凍凍地既cream，上面撒左啲可可粉同岩鹽，就咁飲唔搞混佢，會飲到凍同鹽既cream同熱既咖啡一齊，好似啲奶蓋咁，好好飲！
件蛋糕好的骰，兩人share食完唔會太guilty，橙味就無喇，食到少少酸既檸檬同芝士味，但嫌唔夠酸同清新，不過隻色好靚，非常IGable😂
不過呢度落單同上菜好混亂，我地落單先，佢地用平日客人自助點個啲紙剔，好浪費同落得好慢，講完佢都要搵返出黎。隔離枱遲過我地落單都有咖啡飲，但我地上完包差不多食完佢地啲包都未到，fiancé 留意到佢地落完單就咁用啲磁石痴落雪櫃度，入面廚房分唔到先後次序，又會漏單，呢樣要改善下。
Post
