東歐餐廳

由細到大鍾意飲羅宋湯嘅關係，所以想試下正宗羅宋湯同香港羅宋湯有咩分別，咁既然要試就直接搵間正宗東歐餐廳食啦！今次叫咗幾樣東歐特色頭盤，小食同主菜試下：🍲正宗烏克蘭羅宋湯既然為咗羅宋湯而來，第一樣講就係佢啦。係賣相上係最大嘅分別，紅菜頭煮成嘅湯非常香，顏色係深紫紅好色同香港橙色好唔同，無香港嘅辣味而多一份蔬菜甜味略帶點酸味，好飲得黎好醒胃同埋都幾大碗，入面湯料好多，加有少少肉類食下，最重要配埋佢個酸忌廉就更加creamy。🥗酸鯡魚拌洋蔥係一種東歐地道醃魚，食落去魚肉係一塊塊好紮實，唔係一攤野，有啲似食刺身咁。少少酸酸地配埋佢個紅洋蔥食一流，魚肉食多幾件都唔怕肥。🍟烏克蘭香煎薯餅食落去完全食得出係用薯仔人手整，唔係任何工廠貨。煎到外面香脆內裡軟綿，連埋沙律醬食，真心四塊會食到飽但仲想食多塊。🍗馳名基輔炸雞扒平時食開雞扒就一塊塊，呢度食雞扒係一舊舊好似咸水角咁。一切開要小心啲雞汁會湧出黎，入面一舊骨都無，全部都係啖啖肉，食落去肉汁非常豐富。除咗主菜，佢個伴碟都好有驚喜，人手製嘅炸薯片🤤切到薄薄一片，食落去脆卜卜。不過已經食咗好多野已經食唔哂啲薯片。㊙隱藏餐單㊙邪惡芝士蒜蓉方包因為朋友嘅關係，