一盛極牛 (Closed)

牛魔王又出動喇 今日晚餐同朋友嚟到呢間位於尖沙咀專食牛肉拉麵嘅舖頭一盛極牛 一直以嚟都好欣賞專心做好一件事嘅小店 呢間就係其中一間 晚飯時間入到去 人唔太多成間鋪頭充斥著牛肉香味 餐廳係用上拉麵紙點菜 不論湯底嘅味道 配料嘅份量 麵嘅粗幼度都可以客製化 我就揀咗白牛拉麵 其實係白松露牛骨湯底 而牛肉嘅煮法就可以選擇 火焰和牛定係和牛刺身 同時亦可以選擇各半白松露牛骨湯底非常香白松露味道 而且仲有粒粒白松露蓉 非常足料 相比之下牛骨湯底比較淡味 上面嘅火炙和牛油香十足 牛味香濃 不過口感較韌 反之牛肉刺身非常淋滑 好似入口即溶咁 一啲血腥味都冇 完全唔似食緊生牛肉麵底方面揀咗軟硬適中 係用上日本空運過嚟嘅蛋麵 蛋香唔錯