Video
Read full review
2023-06-05
102 views
Alchemy ORIGIN (鰂魚涌)評分：🌝🌝🌝🌝🌗新落成既太古坊二期開左間新餐廳，裝修好有心思，台凳都好有特色，整間店都充滿住木紋，因為咖啡色同好多wave形狀，感覺好似係大峽谷/流沙入面一樣。食物方面性價比高，豬頸肉漢堡令人難以忘懷。✅✅✅雜菌豬頸肉漢堡包配芥末籽醬 ($125): 一上菜比個size嚇親😂 好大個！豬頸肉竟然係一大塊完整咁夾係入面，比平時豬頸肉厚身，油脂分布完美，食落有口感頗彈牙得黎好嫩，入面係淡淡粉紅色。味道好有豬肉香，濃郁度適中，仲有微微焦香。雜菌份量好多，而且味道突出，增加層次。有唔少芥末醬，好開胃惹味，刺激程度剛好。番茄juicy，生菜新鮮，但生洋蔥食唔到咁多太刺激了。反而麵包無烘過包皮只有一點塗了牛油，質感都唔夠鬆軟。✅煙鴨胸配菠菜扁意粉 ($103): 鴨胸係切粒上，食落有口感，但個人比較鍾意一塊塊上，味道同質感會更突出。唔係好覺有煙燻味。意粉al dente，菠菜存在感太強，再切細條啲會更好。✅青醬忌廉雞肉長通粉 ($99): 青醬味道較淡，雞肉肉質淋軟比較乾，唔係好有口感。長通粉質感很好，軟硬度適中。✅乳酪青醬雞肉意式香草包 ($85): 香
評分：🌝🌝🌝🌝🌗
新落成既太古坊二期開左間新餐廳，裝修好有心思，台凳都好有特色，整間店都充滿住木紋，因為咖啡色同好多wave形狀，感覺好似係大峽谷/流沙入面一樣。食物方面性價比高，豬頸肉漢堡令人難以忘懷。
✅✅✅雜菌豬頸肉漢堡包配芥末籽醬 ($125): 一上菜比個size嚇親😂 好大個！豬頸肉竟然係一大塊完整咁夾係入面，比平時豬頸肉厚身，油脂分布完美，食落有口感頗彈牙得黎好嫩，入面係淡淡粉紅色。味道好有豬肉香，濃郁度適中，仲有微微焦香。雜菌份量好多，而且味道突出，增加層次。有唔少芥末醬，好開胃惹味，刺激程度剛好。番茄juicy，生菜新鮮，但生洋蔥食唔到咁多太刺激了。反而麵包無烘過包皮只有一點塗了牛油，質感都唔夠鬆軟。
12 views
0 likes
0 comments
14 views
0 likes
0 comments
✅煙鴨胸配菠菜扁意粉 ($103): 鴨胸係切粒上，食落有口感，但個人比較鍾意一塊塊上，味道同質感會更突出。唔係好覺有煙燻味。意粉al dente，菠菜存在感太強，再切細條啲會更好。
11 views
0 likes
0 comments
✅青醬忌廉雞肉長通粉 ($99): 青醬味道較淡，雞肉肉質淋軟比較乾，唔係好有口感。長通粉質感很好，軟硬度適中。
8 views
0 likes
0 comments
✅乳酪青醬雞肉意式香草包 ($85): 香草包有好香橄欖油同迷迭香味，質感好有彈性多氣孔。有好多件好多件雞肉，但肉質比較淋軟乾身。
14 views
0 likes
0 comments
✅炸魚卷餅配希臘乳酪醬 ($118): 有兩個份量好大既tortilla！炸魚新鮮炸起熱辣辣，肉質ok。入面包住好多好多菜，有少少苦。車厘茄增添fresh感覺。醬汁味道唔夠突出有啲可惜。
13 views
0 likes
0 comments
✅香煎虎蝦配辣番茄汁意粉 ($121): 醬汁真係頗辣呢！係番茄肉香草黑椒調味下真係幾惹味。意粉彈牙。虎蝦正常。
9 views
0 likes
0 comments
✅熱朱古力 (+$11): 拉花好靚啊。口感順滑，奶既比例高啲，唔會太厚身，適合配餐一齊飲。朱古力味好香，唔會過甜。
7 views
0 likes
0 comments
✅牛奶抹茶 (+$19): 點左走甜，依然無苦澀味，質感頗滑。賣相好有藝術感，抹茶部分有掛杯感覺。杯墊係水松墊，同臺凳顏色好夾。
7 views
0 likes
0 comments
環境🖼️：圓台入面有一個山勢地形既模型，原來係哥倫比亞曬豆場既模型，好有特色。其他檯凳大多數係木紋臺。餐具係黑色反光物料，好有型。
服務🧍🏻：接觸過既服務員都非常nice and friendly。可能係因為剛開業仲有野要fine tune，有兩次上左人地既菜比我地。
📍Alchemy ORIGIN (鰂魚涌)
鰂魚涌英皇道979號太古坊太古坊二座地下A號舖
Post
