Video
Read full review
2024-09-27
609 views
丫女放工帶咗我去佢公司附近一間主打東南亞菜式嘅餐廳食晚飯。餐廳格局呈半開放式, 設室外室內座位, 主要吹著室外自然風, 環境裝修同氣氛都幾有外國氣息。每日𝟹至𝟾點仲推出Happy Hour, 多款飲品有優惠! 岩哂放工落樓同朋友chill下。Happy Hour $48 - Road to Passion (原價$88): 味道清新, 熱情果味濃郁, 還保留了熱情果籽, 增加層次。朋友就order 咗杯Ginger Beer, 加咗片檸檬, 多一點清新。蝦餅: 炸得金黃, 但炸皮不是脆脆的果種, 而係鬆軟多汁, 蝦餅甜甜酸酸, 散發陣陣香料嘅清香。生菜包: 豬肉碎香氣十足, 香口微辣惹味, 還加入了青豆粒, 以爽脆生菜包住食, 口感層次非常豐富。串燒沙爹: 自選豬肉串, 一碟有六串, 每串肉份量迷你, 剛好一口一串, 雖然肉汁唔多, 但沾上沙爹醬, 幾惹味。奶油咖喱雞: 無骨雞柳肉質頗嫩, 外層包裹著容易掛汁的咖喱汁, 充滿奶油+印度香料, 甜酸微辣, 美味獨特。美味咖喱汁絕對不能浪費, 最後+$48追加了一份Garlic Naan, 雖然表面帶點油, 但食落幾香口, 沾上咖喱汁, 簡
丫女放工帶咗我去佢公司附近一間主打東南亞菜式嘅餐廳食晚飯。餐廳格局呈半開放式, 設室外室內座位, 主要吹著室外自然風, 環境裝修同氣氛都幾有外國氣息。
每日𝟹至𝟾點仲推出Happy Hour, 多款飲品有優惠! 岩哂放工落樓同朋友chill下。
Happy Hour $48 - Road to Passion (原價$88): 味道清新, 熱情果味濃郁, 還保留了熱情果籽, 增加層次。
朋友就order 咗杯Ginger Beer, 加咗片檸檬, 多一點清新。
蝦餅: 炸得金黃, 但炸皮不是脆脆的果種, 而係鬆軟多汁, 蝦餅甜甜酸酸, 散發陣陣香料嘅清香。
生菜包: 豬肉碎香氣十足, 香口微辣惹味, 還加入了青豆粒, 以爽脆生菜包住食, 口感層次非常豐富。
串燒沙爹: 自選豬肉串, 一碟有六串, 每串肉份量迷你, 剛好一口一串, 雖然肉汁唔多, 但沾上沙爹醬, 幾惹味。
奶油咖喱雞: 無骨雞柳肉質頗嫩, 外層包裹著容易掛汁的咖喱汁, 充滿奶油+印度香料, 甜酸微辣, 美味獨特。美味咖喱汁絕對不能浪費, 最後+$48追加了一份Garlic Naan, 雖然表面帶點油, 但食落幾香口, 沾上咖喱汁, 簡直PERFECT MATCH!!
香料胡椒餅: 胡椒餅為薄脆餅底, 胡椒香氣很重, 放上了洋蔥粒、蕃茄粒、莞茜粒, 增加口感層次同埋香氣; 配有印度秘制汁料, 味道更提升。
芒果糯米飯: 糯米飯口感軟糯, 加上濃郁椰醬, 香甜美味, 還有多汁芒果做伴碟, 滿足!
Post
