幸福鳥 (太古城中心)

Open Now

Now Closed

太古城都有幸福鳥了，真感覺幸福。環境有種帶明治時期京都感覺， 懷舊感得黎帶有新鮮感。同朋友都坐得好舒服，店員服務都幾好！就算師傅在open kitchen燒串燒，場內絕無煙感！抽風系統極佳，值得一讚。刺身拼盤，刺身都非常高質，三文魚肥美甘香，帶子厚切綿滑，赤蝦夠大隻又爽彈。非常回味！免治軟骨雞肉棒，非常好食！質感層次極豐富，juicy得黎又有爽脆感，口感極佳。必食推介！燒魷魚，醬汁幾香又唔會過咸，細心位係個生薑絲，整體帶出魷魚嘅鮮味， 口感煙韌。壽喜燒，湯底清香帶少甜，牛肉份外香濃！明火熱鍋，更有feel又好食。幸福燒雞，燒到皮幾香脆，雞肉肉質keep juicy, 超正！真正外脆內軟。