Caviar House

Open Now

Now Closed

一直不知道太古廣場內有呢間餐廳，位置比較隱蔽，經過門口會以為係賣商品，唔知原來係餐廳。唔好睇個法包細細個，就怕佢會好硬，法包完全做到外脆內軟，仲有好濃嘅麵粉香，加埋牛油想食多一個。呢個湯相對普通，好濃郁嘅蒜頭味，飲完都唔太清楚係咩湯，不過粒帶子生熟度啱啱好，加埋魚子醬嘅鹹香，非常唔錯。蒸蛋非常非常滑，滑到冼落匙羹，蟹肉鮮甜，呢個非常高質。龍蝦蒟蒻麵就有少少失望，蒟蒻麵吸收左龍蝦嘅湯汁，可能調味重手左啲，鹹到不得了。魚子醬飛魚子蛋先加埋意大利飯，靚到好似一件藝術品，味道亦相當夾，裏面仲有一絲絲蟹肉，份量都算慷慨。