走青加底

Open Now

Now Closed

走青加底（太古)一間中西合璧懷舊餐廳剛剛進駐於港島太古康山道1號康怡廣場北坐地下,餐廳裝修簡約時尚高雅,杯碟設計懷舊大公雞圖案,餐廳時常播放懷舊廣東歌曲,餐廳主打廣東粵菜,點心和特色飲品,餐廳增設午市特價套餐供客人選擇,服務招乎態度有禮。櫻花蝦豉油王炒麵配料有紫洋蔥,芽菜,韭菜,韭黃,芝麻,廚師炒麵炒得夠乾身,不膩,食落好香口。蟹籽燒賣皇燒賣皇size略細,但蟹籽海蝦新鮮,食落爽口超彈牙。蔥花炸兩腸粉油條好脆口,粉腸皮半透明,點埋豉油,花生醬和甜醬,最佳配搭,食落卜卜脆的油條和軟糯的腸粉,口腔內有2種口感亂竄。麻辣金錢肚金錢肚粗身厚肉,微辣,配有腸粉,食落爽口彈牙好惹味。腰果露微甜,好creamy,入口有好濃郁腰果味。