佐賀山田 · 涮涮鍋 (Closed)

黎到太古康怡食晚飯，選左位於3樓的佐賀山田打邊爐，原因係被餐廳的超抵食火鍋放題吸引，價錢$249就有齊火鍋配料、甜品同飲品任飲任食！店舖座位寬敞舒適，簡潔明亮！湯底選左日式廣島蠔味增湯同九洲風味豬骨濃湯！廣島蠔味增湯足足有5-6隻大大廣島蠔，每隻都好肥美鮮甜，令湯底更鮮味！而豬骨湯超濃豬骨味，骨膠原滿滿！湯底到後職員會立即送上唔同的肉類！首先有澳洲黑安格斯牛板腱、特選美國Choice牛肩肉、特選美國Cab牛肩胛肉同精選美國牛五花！澳洲黑安格斯牛板腱超重牛味，油脂分布好平均；而其他三款牛都唔錯，尤其係精選美國牛五花，肉質好嫩滑！除左牛肉外，仲有美國豚肉、特選美國雞腿肉同美國豚五花肉！雞腿肉好滑，完全唔韌；美國豚肉同牛五花食落好爽，豬味都幾濃！而海鮮一定要叫墨魚仔同青口，墨魚仔大大隻好爽口；青口同樣大隻好鮮甜！蔬菜好新鮮，有生菜、白菜、苦瓜、菇類、木耳、萵荀等等。亦有多款唔同的丸類同午餐肉，超多選擇！另外仲有生雞蛋、碎紫菜同白飯可以自製山田紫菜飯！飲品種類好多，包括汽水、汽泡水、果汁、茶類，甚至加錢仲有啤酒飲！當中飲左個翡翠檸檬綠茶都唔錯！甜品有唔同的一小口蛋糕、泡芙、糯米糍同雪條！超級推