반찬앤쿡 Banchan and Cook (太古城中心)

Open Now

Now Closed

好少黎開太古城，搵野食既時候見到宜家韓國餐廳，約埋朋友黎食啦。黎到見到好多人排隊喎，唯有俾d耐性排隊啦。🙈好在餐廳上菜都幾快。柑橘有骨炸雞（118）（半份）食韓國野梗係要食炸雞啦，雞件炸到金黃香脆，出面既柑橘醬香甜清新，雞肉好juicy，仲有d薯條同煙韌既年糕。慢煮羊膝配薯條（165）係一個好大份既主菜，個羊膝勁大隻，好多肉，慢慢切出黎食，質感鬆軟，味道一d都唔羶。配菜有薯條，蔬菜同燒蒜頭。烤牛肉蛋包飯（98）個蛋包飯既蛋睇落好圓滑，切開裡面既蛋漿就瀉出黎。個飯用蕃茄汁煮過，牛肉好淋好入味。韓式雜莓牛角包窩夫（72）宜個窩夫都好特別，食落真係牛角包咁既質地，外脆內軟，仲有肉桂香。濟州鮮奶綠茶（42）士多啤梨紅桑子梳打（42）我同朋友一人點左一杯飲品。鮮奶綠茶既綠茶味濃郁，質感厚滑。梳打就果味好濃郁，比較清新。。。반찬앤쿡 Banchan and Cook (太古城中心)太古太古城道18號太古城中心二期2樓222A號舖。。