K Square 3 Grill & Bar (Closed)

事源係搵住太和嘅朋友食飯，問佢有咩好食，佢就話屋企後面味有間囉。自問食過不少串燒，但係就未食過咁奇趣嘅串燒。佢有5款名叫鬼馬串燒嘅串燒，我就每款叫一串試下，第一款，燒西多士串，15蚊，四粒一口西多，個味就係西多，勝在一啖食曬，size岩岩好，最岩我呢啲食西多都厭切麻煩嘅懶人第二款，爆炸棉花糖串，棉花糖岩岩燒完就灑啲爆炸糖上去，啲爆炸糖痴住棉花糖，食落就知甘香。第三款，鹹蛋黃金薯條串，黃金就係黃金在成串都係黃色，鹹蛋黃醬再加薯條燒到金黃色，望落好似普通，但食落就越食越上癮，好香好食。第四款，迷你漢堡串，迷你漢堡就聽得多，做串燒就第一次見，漢堡雖小但五藏俱存，燒完嘅麵包皮脆脆地幾香口。第五款，鵝肝牛角包，本人就對鵝肝冇咩興趣，但同行友人話唔錯。最後叫番啲正常串燒，有豬頸肉，牛肉串，雞中翼，麵燒得好香口，價錢唔貴，份量剛好。