鮨池壽司店 (Closed)

店鋪乾淨企理，入面裝修色調以原木色為主，好似日式Café咁。我地兩人嗌左時令精選套餐（488HKD）日式燒肉（和牛）最令人驚喜既係呢間既日式燒肉，侍應會端上一個燒肉爐，放上吸油紙，可以自行調控火力自助燒烤，燒烤肉類全部是和牛，每塊肉上油脂都分佈平均，肉質軟腍，滿口油香，碟上伴有燒南瓜同蘆筍，非常夾味~五色刺身盛 （每款各兩片）有三文魚、八爪魚、帶子、白身魚同赤蝦，個人最中意食蝦，入口非常creamy，夠新鮮！五品刺身都係厚切，中意厚切的朋友不要錯過。鰻魚炒飯我地嗌左鰻魚炒飯做主食，炒飯飯粒顆粒分明，用料好足，基本每一啖都食到鰻魚，兩個女仔食到好飽！倫食物質素，餐廳環境，價格對比同類餐廳性價比都好高！