麵屋 元祖達摩 (Closed)

太和消防局對面嘅拉麵店！小店有吧枱加幾張細枱。拉麵有幾款湯底，豚骨、雞骨、味噌、辛辣每樣各點左一碗，逐碗試左一啖湯，係味噌湯底配櫻花蝦比較出息嘅！我地每人另加左$7半隻蛋，上菜先發現原來碗麵本身已經有半隻蛋，各位朋友仔留意喇！美中不足麵身質地比較淋，如果爽口啲就更好喇，比較似係港式一啲嘅拉麵風味另外仲叫左雞翼同玉子燒，玉子燒上面嘅芝士拉絲效果非常明顯，熱辣辣，值得加分！總括黎講，小店嘅拉麵不過不失啦，勝在小食款式多，有驚喜！