Video
Read full review
2022-08-02
223 views
大埔近期愈嚟愈多正野，呢間「牛脾氣」係食牛肉既專門店，無論係日本A4和牛、美國prime牛小排定澳洲M7和牛西冷都有提供，今次就打算去試下！黑椒牛舌飯 $68嚟到食牛既專門店就緊係要食佢地既牛肉，牛舌只係用咗黑椒同埋鹽去調味，唔會遮蓋左強烈嘅牛舌味，厚度啱啱好嘅牛舌有咬口但唔會煙韌，口感唔錯，就係牛舌份量可以再多一啲。吉列芝士豬扒飯 $68炸到脆卜卜嘅豬扒配埋明太子沙律醬，呢個飯真係極度邪惡！吉列豬扒入面包住流心芝士，仲可以拉絲😍豬扒下面就係蛋包飯，嫩滑既炒蛋蓋上充滿醬汁嘅飯，相當滿足！紫心香芋丸 $38香芋丸炸到十分脆口，食嘅時候記得吹凍啲先享用，因為咬開既時候會比入面嘅香芋餡「攻擊」🤣，作為一個芋頭愛好者，呢款香芋丸芋頭味唔算好重，甜度正常，作為一個甜品都唔錯。每個套餐都跟一份沙律同一罐汽水，食返少少沙律菜就冇咁強烈嘅罪惡感啦😗見到佢哋好多飯餐都好吸引，而且位置距離火車站都唔遠，如果唔想行路仲可以搭接駁巴士，都會好快去到。性價比唔錯，會再幫襯😙
大埔近期愈嚟愈多正野，呢間「牛脾氣」係食牛肉既專門店，無論係日本A4和牛、美國prime牛小排定澳洲M7和牛西冷都有提供，今次就打算去試下！
黑椒牛舌飯 $68
嚟到食牛既專門店就緊係要食佢地既牛肉，牛舌只係用咗黑椒同埋鹽去調味，唔會遮蓋左強烈嘅牛舌味，厚度啱啱好嘅牛舌有咬口但唔會煙韌，口感唔錯，就係牛舌份量可以再多一啲。
吉列芝士豬扒飯 $68
炸到脆卜卜嘅豬扒配埋明太子沙律醬，呢個飯真係極度邪惡！吉列豬扒入面包住流心芝士，仲可以拉絲😍豬扒下面就係蛋包飯，嫩滑既炒蛋蓋上充滿醬汁嘅飯，相當滿足！
紫心香芋丸 $38
香芋丸炸到十分脆口，食嘅時候記得吹凍啲先享用，因為咬開既時候會比入面嘅香芋餡「攻擊」🤣，作為一個芋頭愛好者，呢款香芋丸芋頭味唔算好重，甜度正常，作為一個甜品都唔錯。
每個套餐都跟一份沙律同一罐汽水，食返少少沙律菜就冇咁強烈嘅罪惡感啦😗見到佢哋好多飯餐都好吸引，而且位置距離火車站都唔遠，如果唔想行路仲可以搭接駁巴士，都會好快去到。性價比唔錯，會再幫襯😙
Post
