越泰 (Closed)

上個禮拜約咗保險經紀喺北角跟進一下續保嘅事情，午飯時間 梗係四圍行下 因為都有好一陣子沒有來北角了，由於係閒日，正值午飯時間，好多食肆都要等位，附近一帶都有很多 不同嘅食肆，真係高中低檔，各適其適。經過門口呢間 畀佢個menu 原個西瓜冰吸引著 ，午市套餐都係只需要加$28。我點了一個泰式咖哩牛腩飯，泰式咖哩醬小小辣甜甜地，牛腩份量不算太多，但係肉質十分柔軟。好可惜除咗倒立忌廉柚子沙冰售罄，呢個原個西瓜冰亦都缺貨！只好點了一個菠蘿冰，估唔到呢個菠蘿冰亦冇令我失望，菠蘿沙冰很清涼，入口透心甜，而且側邊嘅波羅肉仲可以好似椰青一樣刮起菠蘿果肉，呢個午餐真係透心涼！