The Steakhaus

Open Now

Now Closed

今日約咗個好耐冇見嘅舊同學係佢公司附近食晚餐，所以搵到呢間專食扒嘅The Steakhaus，又幾有驚喜喎。一坐低即刻揀咗鐵板油泡安格斯牛柳13oz配烤大蒜。上菜嘅時候侍應會喺你面前擺牛柳燒烤。同時加上香草，真係香氣四溢，令人食慾大開。呢枝雪茄造型嘅牛油係大蒜同香草味，可以搽上牛柳令其更加滋味。牛柳嘅配菜奧斯卡，爽口幼身嘅蘆筍加咗少少鹽同蛋黃醬調味，另外再撈埋蟹肉碎，係一個既健康又新鮮嘅配搭。咁耐冇見梗係要飲返兩杯catch up一下近況。西瓜柑橘手工啤酒，清新怡人，甜味蓋過咗啤酒嘅苦澀。Green Apple Mojitos 同樣清涼甜美。飲嘢嘅時候叫埋黒松露和柏瑪森起司炸薯條，份量夠多，佐酒必備。甜品時間，叫咗Dirty tiramisu，用咗原條意式手指餅，質感濕潤又有酒香。西班牙油炸鬼，外脆內軟，灑咗糖霜可以蘸朱古力醬食。