Video
Read full review
2023-03-13
242 views
行過呢一間悄悄食堂已經好多次，次次都覺得呢間舖頭好文青好日系好靚，但係都冇走到入去食，今次終於試到啦～不得不說呢一間悄悄食堂喺深水埗同太子交界嘅價位嚟講真係算非常進取😂😂，一個lunch set要100頭至100中嘅價錢，仲要唔包嘢飲，就即管睇吓抵唔抵啦：1. 麻藥蛋麻婆豆腐飯（素）$118呢個一上枱就真係「嘩」咗一聲嘅🤣麻婆豆腐飯上面舖住一塊超級巨大嘅天婦羅金針菇同埋一隻個樣非常討好嘅糖心蛋🥚食落口先係非常之鬆脆嘅天婦羅，再嚟係充滿蛋香味既蛋黃汁，最後係調味濃度啱啱好嘅麻婆豆腐飯，幾樣嘢加埋真係好有層次感，係幾好食嘅！👩🏻💻8/10 2. 法式焦糖洋蔥 味噌汁燉牛尾 $158個牛尾真係不得了，好香好香（未拎到上嚟已經聞到嗰浸牛尾嘅香味🥹不過可能自己個味蕾未係好Advanced，唔係太食得出焦糖味同埋味噌味😂😂但係feel到個鹹甜調味係好balanced嘅，佢個汁唔係好多水、水汪汪嗰種，你feel到佢真係炆到最後一刻make sure個牛尾真係索晒啲汁先拎上嚟俾你嘅，但個汁嘅份量又啱啱好可以撈晒啲飯，唔錯唔錯～（其實就唔使擔心呢樣嘢，因為個店員就同我哋講，無論係飯定係汁都可以無限加嘅
不得不說呢一間悄悄食堂喺深水埗同太子交界嘅價位嚟講真係算非常進取😂😂，一個lunch set要100頭至100中嘅價錢，仲要唔包嘢飲，就即管睇吓抵唔抵啦：
1. 麻藥蛋麻婆豆腐飯（素）$118
呢個一上枱就真係「嘩」咗一聲嘅🤣麻婆豆腐飯上面舖住一塊超級巨大嘅天婦羅金針菇同埋一隻個樣非常討好嘅糖心蛋🥚食落口先係非常之鬆脆嘅天婦羅，再嚟係充滿蛋香味既蛋黃汁，最後係調味濃度啱啱好嘅麻婆豆腐飯，幾樣嘢加埋真係好有層次感，係幾好食嘅！
👩🏻💻8/10
2. 法式焦糖洋蔥 味噌汁燉牛尾 $158
個牛尾真係不得了，好香好香（未拎到上嚟已經聞到嗰浸牛尾嘅香味🥹不過可能自己個味蕾未係好Advanced，唔係太食得出焦糖味同埋味噌味😂😂但係feel到個鹹甜調味係好balanced嘅，佢個汁唔係好多水、水汪汪嗰種，你feel到佢真係炆到最後一刻make sure個牛尾真係索晒啲汁先拎上嚟俾你嘅，但個汁嘅份量又啱啱好可以撈晒啲飯，唔錯唔錯～（其實就唔使擔心呢樣嘢，因為個店員就同我哋講，無論係飯定係汁都可以無限加嘅！）
👩🏻💻8/10
其實佢啲甜品個名都好吸引㗎 ！又有茉莉香片開心果塔又有純素卷蛋糕，不過今次就冇試喇，因為個價錢要成七八十蚊同埋食完佢個lunch set都已經好飽😂😂😂😂
最後講返佢抵唔抵，價錢係真係有啲貴嘅，但我會話個食物質素同個環境係對得住個價錢嘅（畢竟相信食過好多靚靚Cafe嘅你哋都遇上唔少伏，好多Cafe都係個舖頭好靚，但係啲嘢食真係唔掂😶🌫️）。呢間feel到店家真係好用心去整每一份定食，喺舖頭嘅設計上面亦花咗好多心思 — 佢有榻榻米區（但係記得要着襪去，如果冇着襪嘅話就淨係可以坐吧枱或者平時普通嘅食飯枱）同埋好多文青和風嘅裝飾，所以都係一個打卡嘅好地方嚟嘅。
Post
