Lost in Thai (Closed)

經過呢間大自然風既泰國餐廳 見都幾野食就試下。 💛椒鹽茄子釀蝦膠 $88幾特別~ 蝦膠唔會太實 用茄子包住炸成 好大舊香口~ 💛燒豬頸肉生菜包 $98秘製燒豬頸肉 味道調得啱啱好。配合埋新鮮生菜包住食  又幾清新喎 食多幾塊都唔覺郁🤭 💛蝦醬雜菜蝦球湯 $98超多份量 四個人飲都夠。淨係食過蝦醬通菜 冇飲過蝦醬湯 蝦醬味完全融入咗湯入面 仲有幾粒大蝦球 蔬菜份量都頗多～ 💛咖哩牛腩  $108叫咗青咖哩 唔會太辣 係我鍾意食嘅咖哩味。仲有好多牛腩同茄子 用嚟點蒜蓉包ichiban 👍 💛芒果糯米飯 $52糯米飯暖暖煙韌 不過芒果就有dd根同埋甜味畀糯米飯搶曬🙈