大紅袍火鍋料理 (Closed)

呢間火鍋店走宮廷風👑座位都好闊落，入面嘅姨姨都幾好服務態度，不時會主動行過嚟問有冇需要加湯，又會問吓啲食物點🥰醬料 $15 /位呢度嘅醬料盤有成十幾款選擇😳例如有沙茶醬，生熟蒜蓉、芫荽、蔥花、麻雀、沙薑、辣椒等等，店員會首先幫你倒火鍋豉油同刺身豉油，然後就可以自由配搭，比較特別嘅係有款紅蔥油🧅落少少已經好香，加埋其他調味料，非常惹味👍🏻金屋藏嬌 $228呢個係呢間火鍋店嘅主打湯底，一嚟到已經好壯觀🤩有成半隻雞係入面，仲有啲花膠、竹笙、大量冬瓜、蟲草花同埋其他蔬菜，淨係食入面嘅料都飽飽地😂店員會先幫手剪好隻雞，煮滾咗之後首先𢳂咗一碗湯飲下，湯底味道非常濃郁，好似酒樓飲到嘅雞湯咁🐔椒鹽鱔球 $98餐牌上面有唔少椒鹽嘅選擇，今次就揀咗個比較特別嘅椒鹽鱔球🐟將平時用嚟打邊爐嘅鱔片裹上粉漿再炸，脆漿做得幾薄，唔會覺得好油膩😋大紅袍牛肉三拼 $368有齊安格斯牛頸脊、本地手切肥牛同埋手切封門柳🐮色澤紅潤幾新鮮，個人最鍾意手切本地牛肉，牛味最濃郁，安格斯牛頸脊就油花比較豐富，而封門柳嘅脂肪比例最少，食多幾塊都唔怕😌芝士墨魚丸拼梅菜豬肉丸 $108呢度有好多款自家製嘅丸類，加$10就可以揀兩款丸雙拼，