Hami Harmony (Closed)

今日有人請食飯，地點當然佢話事，有人請相信遠d都會去，不過佢真係好好，因為佢揀左個幾方便既地方 - 太子。入左一間餐廳，地方不大，不過就坐滿客人，餐廳既裝修都幾有味道。點左一個二人晚餐 : $448是日餐湯用料豐富，每一啖都食到湯中既餸，而且湯咸度適中，質感略稠。凱撒沙律，二人share一個沙律，不過作為前菜，輕食已經足夠。白酒忌廉煮青口，全部原隻青口，份量都幾多，拆殼之後沾白酒忌廉汁再食，味道十分突出。意式香草肉丸意大利粉，意大利粉非常入味，口感唔錯。意式香草醬味道濃厚，肉丸大粒又腍，份量亦滿意。黑松露帶子雜菌意大利飯，飯質略硬，表面有芝士絲，黑松露味道好香。帶子充滿驚喜，雖然未算好大粒，但表面煎過，好香口。蛋白脆餅伴鮮果熱情果汁，賣相討好，蛋白脆餅咬落脆口，配埋下面黃色既熱情果汁好開胃。拿鐵瑪奇朵，不太苦又不太甜，味道恰到好處。食完都九點幾，餐廳依然坐左好多客人，睇嚟呢間小店既吸引力的確幾大。