Video
Read full review
2022-11-17
13 views
中午約咗舊同事喺太子食晏🍽，差館附近有唔少餐廳，而我哋就幫襯咗位於花園街嘅「Cafe Prince Royal」。小店裝修幾有心思，從門口睇有啲似一間屋仔；而室內嘅樓底好高，店主特意建築咗個屋頂🏡，幾得意。我哋要咗兩個午餐同一份甜品，價錢屬中等水平。店員服務態度有禮又細心，上菜速度亦都快，抵讚👍。軟殼蟹蟹膏忌廉意粉($148/套餐)，🦀原隻炸軟殼蟹鋪喺意粉面，相當耀眼。軟殼蟹炸至金黃酥脆，而且都幾好肉，唔係得層衣。🍝意粉偏粗身，口感彈牙兼掛汁。蟹膏忌廉汁食落唔太膩，撈埋爆漿蟹籽一齊食，好搭調。香煎三文魚石榴沙律($108/套餐)，🐟香煎三文魚柳嘅魚皮煎得香脆，魚肉細嫩，油份充足，最重要係一啲都唔腥，如果大件啲就更好。雖然餐牌寫係石榴沙律🥗，但可能無貨，變咗做鮮橙黑醋田園沙律，都無問題嘅，起碼啲沙律菜新鮮。是日芝士餅($58)，🍰芝士蛋糕係最原始嘅原味，味道簡單好食，並無美式嗰種咁溜，芝士口感又軟又滑，甜度適中。另外，我仲好鍾意佢個餅底，用消化餅整成。套餐包飲品，凍飲另外$10，我哋要咗凍宇治抹茶玫瑰鮮奶($54)同埋凍海鹽焦糖鮮奶咖啡($52)。抹茶拿鐵富有抹茶嘅醇🍵，亦同時滲出玫瑰花
中午約咗舊同事喺太子食晏🍽，差館附近有唔少餐廳，而我哋就幫襯咗位於花園街嘅「Cafe Prince Royal」。
小店裝修幾有心思，從門口睇有啲似一間屋仔；而室內嘅樓底好高，店主特意建築咗個屋頂🏡，幾得意。
我哋要咗兩個午餐同一份甜品，價錢屬中等水平。店員服務態度有禮又細心，上菜速度亦都快，抵讚👍。
軟殼蟹蟹膏忌廉意粉
13 views
0 likes
0 comments
香煎三文魚石榴沙律($108/套餐)，🐟香煎三文魚柳嘅魚皮煎得香脆，魚肉細嫩，油份充足，最重要係一啲都唔腥，如果大件啲就更好。雖然餐牌寫係石榴沙律🥗，但可能無貨，變咗做鮮橙黑醋田園沙律，都無問題嘅，起碼啲沙律菜新鮮。
是日芝士餅($58)，🍰芝士蛋糕係最原始嘅原味，味道簡單好食，並無美式嗰種咁溜，芝士口感又軟又滑，甜度適中。另外，我仲好鍾意佢個餅底，用消化餅整成。
套餐包飲品，凍飲另外$10，我哋要咗凍宇治抹茶玫瑰鮮奶($54)同埋凍海鹽焦糖鮮奶咖啡($52)。抹茶拿鐵富有抹茶嘅醇🍵，亦同時滲出玫瑰花香🌹。海鹽焦糖拿鐵令咖啡變得易入口，焦糖拼海鹽嘅組合無得輸，但記得要攪勻飲☕️。
總括嚟講，呢餐太子屋仔Cafe午餐唔錯，食物同環境都OK👌。餐牌內嘅其他菜式如漢堡包、全日套餐同咖哩飯等，看似都幾吸引，有機會可以再嚟試下呢。
Post
