渝老大 (砵蘭街)

Open Now

Now Closed

同朋友經過太子砵蘭街食個下午，渝老大係一間川菜烤魚餐廳，午餐我哋揀咗家常小炒菜，加$12可配白飯同飲品。魚香茄子煲煲仔上菜，上檯嘅時候仍然係滾嘅，夠哂新鮮熱辣。味道唔夠過咸，而撈飯食就啱啱好。油度適中，唔會搞到食魚香茄子變左食油浸茄子。乾鍋肥腸乾鍋連爐上，肥腸炸得唔會太乾，保持到濕度。大量嘅芹菜同洋蔥，邊炒邊食，香味有增無減。慢慢炒熟哂佢，竟然有啲覺得佢地先係主角。辣度只屬於中小辣，適合大部分人食。辣辣口味非常開口胃，平時唔食澱粉質嘅朋友都食晒一碗飯。