The Steakhaus

Open Now

Now Closed

就算太子行街你都未必會留意到佢，只有搶眼紅色光管，望一望裡面，一副懷舊的格局，搵到佢都算係誤打誤撞。呢度既枱枱凳凳都有時光倒流的感覺，不過餐牌上嘅食物又未算好懷舊，鋸扒，意粉，薄餅，又Cocktail，又手工啤，樣樣都有啲。西班牙油炸鬼 $58西班牙油炸鬼都算係今晚高潮位，將朱古力醬倒落去，沾一沾雪糕，香脆，冷熱，有甜味，無得輸。Baileys Black Sugar Milk $78以為幾重酒味，點知黑糖味勁搶，正合我意。黑松露和帕瑪森起司炸薯條 $48芝士碎還好，滿滿的。黑松露醬另上，仲有沙律醬墊底，味道夠晒豐富。安格斯 Prime 西冷 $118呢個價錢有呢個質素，應該冇咩好投訴。幾嫩口，仲搭埋大大舊蒜比你食，性價比之選。水牛芝士蕃茄羅勒闊條麵 $108蕃茄個味好fresh，配埋水牛芝士，闊條麵就可以掛滿醬汁，食得開胃。奶油蒜蓉蝦 $58充滿奶油香，驚喜地帶辣，好滋味。蟹膏蟹餅 $78蟹餅厚厚實實，中間椒粒微辣，底下有蟹膏，蟹香味濃。