有囍 (Closed)

今日老公放夜，我先返屋企hea下，等到差不多十點就同佢去了屋企附近的有囍食晚餐。正好有二人套餐，每樣都有，可以試多幾款。肉骨茶有濃郁的藥材香味，排骨煲到很腍，幾乎離骨，湯底有肉香，非常鮮甜。泰式炸蝦丸新鮮即叫即炸，一切開中間還冒煙，蝦丸比乒乓波還要有粒，蝦肉爽彈。香芒米紙卷以米紙包著蘿蔔絲、米粉、青瓜絲及黃果，是一個素菜卷，無油無脂坊，健康清新。星加坡海南雞大既有1/4隻已去骨的海南雞，雞肉嫩滑而且外皮爽口，脂坊不多，可以連雞皮一起食。話梅豬手煲豬手炆得又腍又入味，外皮充滿骨膠原，雖然有話梅味，但只有輕微酸味，非常開胃。蝦醬炒通菜通菜翠綠且嫩，蝦醬不會太咸，炒得爽脆。最後甜品是紫米露，可惜食得太飽，所以無要到。整體質素中上，而且大件夾抵食。