太子沢 (Closed)

星期日同男朋友一齊食個late lunch，我地入左太子一間日本拉麵店。餐廳裝潢好有日本風情，依家仲有萬聖節裝飾添。依家有優惠套餐，所有正價拉麵加小食可以減$10，加飲品減$5。小食叫左吉列炸蝦同忌廉蟹餅。吉列炸蝦炸得好酥脆，好香口。忌廉蟹餅外皮夠脆，內餡好幼滑，好出色。每碗拉麵配料都有味付竹筍、醬製木耳絲、日本紫菜、自家製流心蛋、長玉蔥青蔥，好豐富。黑沢麵用上豚骨黑蒜湯底，蒜味非常香濃，拉麵軟度適中。櫻沢麵用上櫻花蝦麵豉湯底，相對比較清，岩晒我，份量大，一定夠食。飲品要左完熟梳打汽水(白蜜桃)同信州木村汽水(蘋果)食拉麵配日本飲品，正。