The Site

Open Now

Now Closed

今晚和好友到The Site共享晚餐，感覺令人十分舒適和難忘！首先餐廳職員十分友善招待，店內裝修簡約美麗，有靚靚壁燈和吊燈（忘記拍攝俾大家睇），仲有枱上的小擺設也十分美麗啊！食物方面，我們點了粟米濃湯，好有香濃既粟米味，真材實料，好味道😋；主菜就有友人至愛既肉眼排，我哋點了五成熟，肉眼排煎得十分好，伴有沙律菜、焗薯和新鮮既番茄，實在色香味美😋，還有香煎三文魚，伴碟很靚，三文魚一啲都唔腥，薯蓉好軟滑，仲伴左啲酸酸地既紅洋蔥，都係好好味😋。另外，我哋叫左個卡邦尼扁意粉，好creamy 😋。最後，我點了杯Latte，拉花好靚，由頭飲到尾都見到靚靚既拉花😍，而友人就點了Iced Mocha，佢也表示好飲。我哋本來想食店內既招牌甜品，不過佢太受歡迎了，經已售罄，希望下次食到啦！仲有，店內一直播著和諧既音樂，好有氣氛，好舒服🥰🥰