博居酒屋

Open Now

Now Closed

今晚同男友去食串燒set，太子呢間［博居酒屋］裝潢有日式風格，除了有bar枱位可以邊食邊欣賞廚師的廚藝，還有tatami位，係可以免跪墊，有空間放雙腳可以住得舒適。串燒有三款set，我地揀左［雛菊］及［紅葉］，兩款都有7款串燒及燒飯團，份量剛剛好。先送上新鮮蔬菜盤及秘製醬料，有椰菜、甘筍、沙葛、青瓜 ，特別喜歡沙葛爽脆多汁又清新，而秘製醬料味道濃香，帶有味噌的味道。 亦附上三款鹽供串燒沾來食，咖喱鹽好夾豬肉同雞肉、柚子鹽配雞肉好清新、竹炭鹽係粗粒，沾少少添咸味。雛菊 $238銀杏、汁燒茄子、汁燒雞肉大蔥串、雞腎、雞骨豬肉腸、紫蘇葉魷魚卷、香蔥牛燒、燒飯團銀杏燒得好香，口感微微煙韌。汁燒茄子有木魚絲添咸鮮味，茄子又香又多汁。汁燒雞肉大蔥串，雞肉有彈性又juicy，配大蔥食好香口。雞腎調味剛好，好香口又爽脆口感。雞骨豬肉腸咬落爆汁有油脂香，滿滿肉感。紫蘇葉魷魚卷口感嫩彈唔會燒乾，紫蘇葉獨有的清香也好夾海鮮。香蔥牛燒好多細香蔥，牛肉都厚身又柔軟，牛味濃郁好好食。紅葉 $288汁燒鮮冬菇、日本番薯、免治雞肉軟骨棒、紫蘇葉豬肉串、黑豚肉大蔥串、燒帶子、我地揀左燒羊扒、燒飯團汁燒鮮冬菇放左木魚絲更