Video
Read full review
2017-12-05
84 views
今日收工約左個朋友係太子始創中心買d野,跟住就順便睇下附近有咩野好食,就係對面見到有間食日本拉麵好似幾吸引,門口出面有埋餐牌睇左岩唔岩食先,我地見到有飯又有拉麵又有甜品(勁多款),於是就入去試下啦。拎左位之後,望下本餐牌有咩食先,嘩!都幾多款,有飯﹑拉麵﹑串燒﹑甜品等等,選擇都唔少,我係飯與拉麵之間爭扎左好耐,但貌似呢間餐廳係以拉麵比較出名的,所以我揀左個日式豬扒拉麵,不過佢無得揀湯底,全部款都係統一一個湯底,如果加$10可以追加溫泉蛋或者其他材料,加$15就可以追加豬扒或者豚肉果d,跟住我再揀埋燒雞翼,再加$8叫埋個飲料(櫻花蘋果果茶),見佢好似幾清新咁。先講拉麵,個湯底雖然單一,但好重麻油味,刺激到味蕾,個麵都煮得軟硬適中。其他配料例如溫泉蛋都好高質,因為係流心既,如果唔係留肚食甜品既話我會再追加一隻。用黎炸豬扒啲麵粉唔會落得好多,岩岩好,同埋厚度唔會話好薄切切咁樣,所以食落係外脆內腍而且都有肉汁出黎。食食下個燒雞翼黎啦(本身見個樣都好似幾吸引咁),一咬落去第一啖已經感覺到佢好惹味!啲醃料做得好好,有少少辣,咁先好食,突顯到果種野味出黎,加上雞翼本身係切開左,就令到佢更加入味啦。講
拎左位之後,望下本餐牌有咩食先,嘩!都幾多款,有飯﹑拉麵﹑串燒﹑甜品等等,選擇都唔少,我係飯與拉麵之間爭扎左好耐,但貌似呢間餐廳係以拉麵比較出名的,所以我揀左個日式豬扒拉麵,不過佢無得揀湯底,全部款都係統一一個湯底,如果加$10可以追加溫泉蛋或者其他材料,加$15就可以追加豬扒或者豚肉果d,跟住我再揀埋燒雞翼,再加$8叫埋個飲料(櫻花蘋果果茶),見佢好似幾清新咁。
先講拉麵,個湯底雖然單一,但好重麻油味,刺激到味蕾,個麵都煮得軟硬適中。其他配料例如溫泉蛋都好高質,因為係流心既,如果唔係留肚食甜品既話我會再追加一隻。用黎炸豬扒啲麵粉唔會落得好多,岩岩好,同埋厚度唔會話好薄切切咁樣,所以食落係外脆內腍而且都有肉汁出黎。
食食下個燒雞翼黎啦(本身見個樣都好似幾吸引咁),一咬落去第一啖已經感覺到佢好惹味!啲醃料做得好好,有少少辣,咁先好食,突顯到果種野味出黎,加上雞翼本身係切開左,就令到佢更加入味啦。
講返野飲,我叫果個櫻花蘋果果茶包裝是可以拎走的,味道都真係幾清新,唔會好甜,可以一解食完炸豬扒既熱氣感覺。
當我地食完個主菜之後,就睇下個餐牌有咩甜品可以叫,真係幾多款下,有幾頁紙,最後我地揀左香橙西柚乳酪抹茶芭菲,最主要揀佢既原因係因為見佢有兩種味既雪糕可以試,呢個甜品落去好多料,除左香橙西柚之外,仲有火龍果,奇異果,米通,涼粉等等。最好味既係佢既雪糕,抹茶味同乳酪味都好濃好夾,值得一試的。
大合照
下次如果系太子附近搵唔到野食,可以一試呢間餐廳的。
Post
