賞島咖啡屋

Open Now

Now Closed

太子最有人氣cafe，唔book係食唔到，好彩一早book咗！最出名嘅海膽味噌蟹肉意粉首先，擺盤好靚，令人慾食大增！同埋真係有海膽喺面，唔係淨係用嚟煮汁.另外，蟹肉同蟹籽嘅份量都好多，撈埋其實一啖都食到配料啷味道。醬汁偏甜，有海膽味，而且每啖都食到蟹肉，所以個鮮味好香口。每條意粉都做到掛汁嘅效果。咖啡燒汁烤豬仔髀本身豬仔髀己經烤得啱啱好，外面脆身之餘，都仲鎖到肉汁，每啖都好juicy.至於咖啡味就係來自佢嘅咖啡粉，豬仔髀點咖啡粉原來好夾，咖啡味唔會搶走豬味，仲帶到少少豬臊味出嚟，係好香嘅豬肉味。薯蓉表面係少少烤過，少少身，口感同味道都好好.Mint MochaMocha味道重過Mint，但又唔會蓋過mint味道.飲到尾，mint味會愈嚟愈重，愈嚟愈香。花茶好香好天然嘅花茶，當中菊花味好清香，配埋枸杞，係天然嘅花味，浸耐咗，啲花味愈趨濃烈.特別想讚下個餐湯我哋嗰日食係番茄湯，佢真係用番茄blend出嚟，冇茄膏味，所以味道好天然，仲食到番茄嘅顆粒感。