紅蔥頭 (Closed)

今日去左太子拎返網購的戰利品，於是就約左朋友仔屋企附近交收。由於太多戰利品的關係，所以就揾間坐得舒服的餐廳。行完書局後，見隔離就有間紅葱頭，見唔洗等位又闊落，所以就揀左呢間餐廳。本身見有兩人餐，但我唔多特別抵食，所以就無叫了。叫左一個一人餐加一份Main及一份小食。呢個係排餐+$6的餐包的白湯及多士。白湯的蘑菇丁夠多又有菇香，多士夠鬆，不過唔多夠脆。意式炸烏賊的魷魚及皮唔夠一致性，令到咬個時好易成條魷魚被扯出。芝士忌廉汁焗黑松露煙三文魚飯黑松露味幾夠香，飯都幾creamy，芝士無拉絲效果。三文魚量唔算特別多，不過smoke味都幾濃。朋友仔就叫左份鐵板薄西冷配雞排。肉夠香，鐵板又夠熱。如果大家想坐得舒服鋸個平排，呢間係推介的。不過你願意坐得迫D鋸個優質排，我下次推介另一間比大家。