金泰子泰國餐廳 (Moved) New Location

呢間餐廳位置喺太子柏樹街，都幾隱蔽，一不小心好容易會錯過，咁岩今日行過，見到好似幾抵食，又入去試吓。食泰國嘢梗係要揀咖喱，但因為我同朋友都唔係好食辣，所以揀咗黃咖喱，另外唔想食豬牛羊，好彩呢度有軟殼蟹揀！咖喱軟殼蟹上台幾靚，加埋少少裝飾，更有泰國風味！黃咖喱果然唔太辣，點埋蒜蓉包，幾時都咁夾！飛天通才——大大碟，炒得夠鑊氣，泰式煮法，幾時都係咁惹味！泰式雞肉炒金邊粉——又係大大碟，甜甜地，最鍾意有啲花生喺側邊撈埋一齊食，又香口又有口感！呢度嘅午餐好抵食，幾十蚊有炒麵飯揀，加幾蚊又有特飲，推介龍眼冰，飲完個喉嚨舒服晒！