味來中菜餐廳 (Closed)

Lunch time出左太子搵食，點知遇上落大雨，近近地就入左呢間餐廳。餐廳都幾大間鋪頭。我叫左一個餐牌既小菜，黑椒南瓜牛仔骨 $118。侍應送到黎果陣我聞到好濃郁既黑椒味，如果鍾意食黑椒既朋友仔肯定會覺得好正，因為食落真係好濃既黑椒味。南瓜切片，爽口感，幾suprise架，因為我諗住一般南瓜都係會煮到好淋，呢個爽脆感令我覺得有趣。牛仔骨肉質淋。成碟既份量夠我一個女仔食，一個人黎食既朋友仔可以試下架。