Owl’s Stage (Closed)

餐廳走簡約風，以黑色🖤、仿白色磚牆🤍為主。牆身擺放左油畫🖼️，同貓頭鷹公仔🦉，令餐廳充滿格調。店鋪雖小，座位寬敞舒適，好啱聚餐同約會。我地嗌咗兩個dinner set，包沙律🥗、是日餐湯🥣、主菜🥩同餐飲🍹。叫餐嗌甜品🍨可以減$15！是日餐湯當日嘅餐湯係甘筍湯🥕，真材實料打出嚟嘅甘筍湯，無添加其他甜味，味道非常濃郁✨。燒澳洲西冷扒(8oz) $218叫咗五成熟，雖然煎熟咗少少，不過肉質都係好嫩滑軟腍😚，牛肉味香濃。配埋燒汁食，味道非常融洽👍🏻。本身配菜係椰菜花，我哋加咗$32轉五重芝士醬薯條🧀🍟，薯條外脆內軟，薯味十足，加埋芝士醬嘅鹹香味，食到停唔到口😋。蝦蟹膏蟹肉帶子意大利飯 $148有兩粒帶子係面，厚肉鮮甜！意大利飯軟硬度煮到啱啱好，每啖飯都充滿蝦蟹膏既鮮甜味🦐🦀，加埋啲芝士片食🧀，好食！朱古力布朗尼 $53 （原價$68）有兩件布朗尼，啱哂同另一半share食🤭 布朗尼即叫即焗，外脆內軟，散發住香濃嘅朱古力🍫 如果加埋果仁同朱古力粒係布朗尼入面就perfect啦～📍 Owl’s Stage (太子)太子大南街27-31號富威閣地下3-4號舖