Video
Read full review
2023-02-27
48 views
太子飲得食得仲睇得嘅酒吧餐廳HANDS - Craft Beer & Magic📍太子大南街27-31號富威閣地下1-2號舖➰好歌推介「人潮在追趕生活，剩下我倆躺廢痛快一場，來日灰飛煙滅亦是我倆，紛擾的不去想。」#小林不動產 #林家謙➰啱啱去完一轉滿載而歸嘅北海道之旅，非常唔適應香港嘅生活，只想躺廢。亦都係時候約朋友派吓手信，咁啱同朋友都想小酌一下，就搵左依間酒吧兼餐廳。餐廳好近太子站，行5分鐘左右就到，地點方便。餐廳裝修以木系質感配搭霓虹燈托襯，環境舒適。估唔到餐廳仲會有駐場魔術師表演魔術，不過多數只會於週末先有，所以到訪當日就緣慳一面，但餐廳每張枱都會有d魔術道具比大家同朋友過吓手癮。就座後，侍應知道我地第一次嚟，非常細心地講解餐廳特色，除咗引進世界各地特色嘅好酒之外，亦會同本地酒商合作，推廣香港特色嘅好酒。而且餐廳好多食物都會以酒入饌，令食物味道更多元化，增添特色，事不宜遲，我地即刻嗌酒飲返杯先。✥啤酒𖥕Duchesse de Bourgogne 女伯爵 300ml 💲98 ⭐️4.2/5⭐️入口酸味偏重帶果香，容易入口，都幾啱女仔飲。𖥕Red Dates Amber Ale 如來
HANDS - Craft Beer & Magic
📍太子大南街27-31號富威閣地下1-2號舖
➰好歌推介
「人潮在追趕生活，剩下我倆躺廢痛快一場，來日灰飛煙滅亦是我倆，紛擾的不去想。」
#小林不動產 #林家謙
➰
啱啱去完一轉滿載而歸嘅北海道之旅，非常唔適應香港嘅生活，只想躺廢。亦都係時候約朋友派吓手信，咁啱同朋友都想小酌一下，就搵左依間酒吧兼餐廳。
餐廳好近太子站，行5分鐘左右就到，地點方便。餐廳裝修以木系質感配搭霓虹燈托襯，環境舒適。估唔到餐廳仲會有駐場魔術師表演魔術，不過多數只會於週末先有，所以到訪當日就緣慳一面，但餐廳每張枱都會有d魔術道具比大家同朋友過吓手癮。
就座後，侍應知道我地第一次嚟，非常細心地講解餐廳特色，除咗引進世界各地特色嘅好酒之外，亦會同本地酒商合作，推廣香港特色嘅好酒。而且餐廳好多食物都會以酒入饌，令食物味道更多元化，增添特色，事不宜遲，我地即刻嗌酒飲返杯先。
✥啤酒
𖥕Duchesse de Bourgogne 女伯爵 300ml 💲98 ⭐️4.2/5⭐️
入口酸味偏重帶果香，容易入口，都幾啱女仔飲。
𖥕Red Dates Amber Ale 如來佛棗 400ml 💲88 ⭐️4.1/5⭐️
香港本地製作嘅啤酒，加入紅棗調配，入口偏重麥芽同啤酒花味重，亦都唔錯。
Duchesse de Bourgogne
6 views
0 likes
0 comments
✥小食
𖥕脆炸蜜味啤酒單骨雞翼 💲88 ⭐️4.1/5⭐️
餐廳好多菜式以酒入饌，依碟單骨雞翼亦都係用咗如來佛棗啤酒花加落脆漿一齊炸，令到雞翼味道更加多層次，入口香脆帶點點甜香，佐酒一流。
脆炸蜜味啤酒單骨雞翼
557 views
0 likes
0 comments
𖥕薯條叔叔 配腐乳醬﹑腸粉醬﹑燒鵝醬 💲88 ⭐️4.1/5⭐️
薯條用炸籃盛載，份量豐富，最玩味係醬汁方面，餐廳配搭香港本地唔同食物醬汁作點醬頗有設計心思，特別鐘意腸粉醬以麻醬同甜醬混合，效果亦非常之夾，令人分不清究竟食緊薯條定腸粉，玩味十足。
薯條叔叔 配腐乳醬﹑腸粉醬﹑燒鵝醬
2 views
0 likes
0 comments
✥主食
𖥕自家慢烤香麻手撕豬肉漢堡 💲128 ⭐️4.3/5⭐️
手撕豬肉漢堡上枱搶眼，手撕豬肉好多，最特別係入口除左甜香味仲有陣陣麻香味，非常過癮，推薦。
自家慢烤香麻手撕豬肉漢堡
13 views
0 likes
0 comments
𖥕招牌麻婆MacAndCheese 💲128 ⭐️4.1/5⭐️
顏色鮮艷搶眼，唔講以為係Creme Brulee添，睇落精緻小巧嘅Mac And Cheese，侍應提示我地趁熱儘快撈勻進食，撈勻過程中亦發現有麻婆豆腐係入面，中西混合fusion，非常趣緻。咀嚼過後除咗芝士非常入味之外亦有些少麻香增添層次，好特別嘅體驗，但份量睇落小巧，實則食完已經非常飽膩。
招牌麻婆Mac & Cheese
8 views
0 likes
0 comments
➰總結
餐廳雖然格局係酒吧，本以為食物只係其次，但餐廳結合自己酒吧元素再融入各款食物之中，令到食物更多層次，尤其欣賞麻香手撕漢堡，體驗新奇，希望下次再嚟會睇到魔術表演。
➿➿➿
#HANDSCraftBeerAndMagic
#太子美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#自家慢烤香麻手撕豬肉漢堡#招牌麻婆MacAndCheese
➿
賣吓廣告先，一個90後偽文青鐘意食好西聽好歌去旅行😋🎵✈️
有興趣睇更多好西好歌好玩推介，或者大家有好嘢Share嘅🥳
世上偶遇也是重遇，祝大家拼命無恙🫶🏻
Post
