鮨世屋

Open Now

Now Closed

去開太子買雞蛋仔，等緊外賣嘅時候係附近見到呢間壽司外賣店，唔使多講，即刻買埋返屋企食先，壽司係即叫即做，睇住師傅製作，夠曬新鮮，仲有好多款式提供，另外店舖都有4個堂食座位方便大家進食😃雜錦魚生丼 $78所有丼飯都會配送前菜一款，價錢唔貴，今次係螺肉，我嘅最愛😍成碗魚生丼都好多料，我食到有三文魚、吞拿魚、青瓜、八爪魚、北寄貝、蛋，好豐富，個飯底仲落咗飯素，超級開胃，我要有餸先食得曬碗飯🤣，呢碗飯食到尾都仲有餸👍特上壽司十貫 $178再要多份壽司套餐，入面包括海膽軍艦、三文魚子軍艦、赤身、紋甲墨魚、赤貝、油甘魚、深海池魚、赤海蝦、帆立貝、三文魚，款款都好新鮮，食完勁滿足🤤