名悅點心 (Closed)

放假同屋企人想飲茶，但係唔想去酒樓度迫同攞位，選擇左喺太子地鐵站附近點心小店。 唔需要等位，坐得到幾舒服。 樓面乾淨。叫咗蒜蓉蝦陳村粉，鮮蝦腸粉，鳳爪，灌湯餃，煎釀三寶嘅青椒魚肉，小籠包細個，同金錢肚。 基本上每一樣都好好味，特別係鳳爪，超級入味。 金錢肚都好入味，一啲都唔俾酒樓差。蒜蓉蝦陳村粉，好足料，用荷葉承托住，好有特色。 小籠包熱辣辣，皮薄。茶位只係需要$3 一個人，上菜時間快速，抵讚！喺鬧市中可以搵到一間咁好味嘅點心小店真係好難得， 見到隔離枱食餃子，好似好好味咁。下次一定會再返嚟幫襯！