Video
Read full review
2019-07-05
112 views
話說朋友係前幾日生日，所以今日就特登book咗間餐廳同佢慶祝。餐廳嘅裝修很有格調，用左好多木材同紅磚去做設計，令餐廳散發出一種英倫風味，再加上唔同既燈光效果，營造出一個好放鬆嘅氣氛。入座之後餐廳職員有向我地提及今日新鮮既來貨同埋介紹唔同既酒精飲品，十分貼心。最後我同朋友決定要廚師發板，品嚐下廚師嘅推介。先來嘅有一杯啤酒同埋一杯cocktail。Mahou係一杯黎自西班牙既啤酒，飲落香醇，帶麥香。Cocktail方面叫咗 Pina Colada，餐廳用左blend既方法去整，打碎左冰塊，令口感更軟綿。味道方面唔會太甜，菠蘿汁同Rum嘅比例恰到好處。前菜黎左兩隻西班牙生蠔，生蠔上面有藍色嘅蘋果gel同埋魚子醬。生蠔放左係一個箱上面，箱入面係唔同嘅沙石、海草同埋貝殼類，帶出一種新鮮同海洋嘅氣息。生蠔食落十分creamy濃味，加上蘋果gel同埋魚子醬係背後淡淡咁襯托著生蠔既鮮味，十分高質。沙律方面，比左個「法國雜蕃茄，水牛芝士，水牛芝士雪」。沙律用咗個雪過既扁型水晶球黎盛載，除咗十分型格，亦幫助沙律保持在低溫中。味道方面，番茄十分甜，配上沙律醋，酸酸甜甜好醒胃。另外，水牛芝士亦都同蕃茄十分夾，
入座之後餐廳職員有向我地提及今日新鮮既來貨同埋介紹唔同既酒精飲品，十分貼心。最後我同朋友決定要廚師發板，品嚐下廚師嘅推介。先來嘅有一杯啤酒同埋一杯cocktail。Mahou係一杯黎自西班牙既啤酒，飲落香醇，帶麥香。Cocktail方面叫咗 Pina Colada，餐廳用左blend既方法去整，打碎左冰塊，令口感更軟綿。味道方面唔會太甜，菠蘿汁同Rum嘅比例恰到好處。
Pina Colada / Mahou Draught Beer
11 views
0 likes
0 comments
前菜黎左兩隻西班牙生蠔，生蠔上面有藍色嘅蘋果gel同埋魚子醬。生蠔放左係一個箱上面，箱入面係唔同嘅沙石、海草同埋貝殼類，帶出一種新鮮同海洋嘅氣息。生蠔食落十分creamy濃味，加上蘋果gel同埋魚子醬係背後淡淡咁襯托著生蠔既鮮味，十分高質。
生蠔 (西班牙)
8 views
0 likes
0 comments
沙律方面，比左個「法國雜蕃茄，水牛芝士，水牛芝士雪」。沙律用咗個雪過既扁型水晶球黎盛載，除咗十分型格，亦幫助沙律保持在低溫中。味道方面，番茄十分甜，配上沙律醋，酸酸甜甜好醒胃。另外，水牛芝士亦都同蕃茄十分夾，好正。
法國雜蕃茄，水牛芝士，水牛芝士雪
4 views
0 likes
0 comments
海鮮方面，主廚安排左個「西班牙八爪魚，薯仔，羽衣甘藍」。我個人認為呢道菜係今餐其中一道最高質嘅菜式，面頭既羽衣甘藍有輕輕炸過，增加左口感上嘅層次。中間係十分滑嘅薯仔蓉。底下則係八爪魚同埋辣肉腸，八爪魚有輕輕烤過，增加左香氣，辣肉腸則為這道菜增添左少少辣味。食嘅時候，侍應建議撈埋所有嘢一齊食，果然食嘅時候冇令我地失望，無論口感定味道方面嘅層次都十分豐富，每一啖都係一個享受。
西班牙八爪魚，薯仔，羽衣甘藍
6 views
0 likes
0 comments
之後來的就係依間餐廳主打嘅Hand Craft Tapas。主廚整咗個「Lava慢煮牛腩，手工包，千層腐皮」比我地，侍應提過個包同埋千層腐皮都係餐廳自己人手整，另外牛腩係經過48小時慢煮而成。食落果然冇令我地失望！！！個包十分軟熟，個包十分軟熟，個包十分軟熟（重要嘅嘢要講三次），千層腐皮增加左個包嘅口感，最後牛腩吸收晒醬汁嘅味道，配埋一齊食十分好食。個人認為嚟到依間餐廳，依個包係必叫的。
Lava慢煮牛腩，手工包，千層腐皮
10 views
0 likes
0 comments
肉類方便，主廚比左西班牙小羊胺比我地。首先擺盤方面十分靚，而且唔單止主食，連旁邊嘅配菜都十分高質。羊肉十分冧，唔會柴，作為一個羊肉愛好者，如果可以更加羶會仲正。配菜方面我最鍾意係蘿蔔，蘿蔔好甜好冧，十分好吃。
西班牙小羊胺
3 views
0 likes
0 comments
最後甜品方面，比左個分子海綿蛋糕配意大利雲呢拿雪糕。蛋糕好軟熟，好好食。雪糕底下有木糠同埋果仁。另外士多啤梨亦同雪糕好夾。呢個甜品口感同味道嘅層次都好豐富，作為今餐嘅結尾十分完滿。
Lava分子海棉蛋糕配意大利雲呢拿雪糕
2 views
0 likes
0 comments
Menu:
Post
