Amica

Open Now

Now Closed

同朋友去開太子買結婚用品，完成後就去旁邊始創中心食飯，見到有間cafe 風格嘅西餐廳就入去試吓。餐廳地方幾大，坐落幾舒服。晚餐set有忌廉湯同沙律做頭盤。 香煎比目魚配香草北非小米沙律試過自己喺屋企煎比目魚扒，但係點都煎得唔好，都係出街食好。比目魚肉質細嫩，骨少，而且都幾厚肉，啖啖肉之餘，外皮煎得香脆。 除咗個魚扒，下面仲有北非小米沙律酸酸甜甜好清新，同個魚十分夾。慢煮澳洲S級草飼牛柳因為草飼牛走動較多，所以就算同一部位肉質脂肪含量較殼飼少，色澤更呈嫩紅，草飼的肉味就濃郁得多。餐廳慢煮形式令牛柳可以鎖住肉汁， 另外食落相當嫩 & juicy。甜品芝士蛋糕識落唔太甜，芝士味好香，正好作飯後甜品。玫瑰白桃梳打賣相色澤已好吸引，有紫紅漸變色彩，味道不太甜，透心涼。Latte咖啡咖啡豆香氣撲鼻，香濃咖啡與牛奶的比例剛剛好，拉花亦顯出製作者的用心。