慢煮工業 (Closed)

呢間餐廳長期處於高人氣之列，佢有2間分店，2間都喺太子區，但食既野會有啲唔同。今次就試左太子道西果間細鋪先。滿蜆肉蝴蝶粉 $88 ⭐️必食⭐️一上枱果下真係嘩～一聲，真係滿滿既蜆肉，而且份量唔細，絕對夠2個人食，蜆肉粒粒豐滿又冇沙，蝴蝶粉又掛到汁，個汁又夠惹味，黎到絕對要叫。菲力牛扒配芝士 $108同一個價錢既有安格斯牛扒可以揀，但因為安格斯牛坊間較常見，所以點左呢款菲力牛扒黎試。上枱牛扒我諗約150g左右，以蒜蓉牛油+迷迭香煎香，牛扒鬆軟又重牛味，配埋芝士就會有小小咸香味。黎呢間餐廳建議book位，因為用饍期間如果冇book位，餐廳都未必安排到入座架！