告白果屋 (Closed)

🎀熊大同熊妹食完飯，就緊係輪到飯後甜品喇。📍係旺角彌敦道一直行，行到黎太子專賣果昔🍹咖啡☕️珍珠奶茶的飲品店《告白果屋》。📍門口大大塊廣告牌推廣緊一款星球🌍芋圓甜品🥣，其實熊妹成日經過見到都想試下，今次就係機會喇。📍可能平日人流唔算多，店員會企係門口叫賣宣傳下。📍店內都有少少長枱獨立位置坐下，俾客人悠閒啲短暫停下來，竭竭腳，飲杯野。水果星球芋圓，$38中間大大粒星球🔮真係好吸引🍧，因為無咩地方見過，其實都係啲噱頭野，食落去原來係海藻啫哩加半粒士多啤梨🍓半粒桃🍑的圓形物，海藻粉本身無咩味，少少甜，味道唔算咩特別。配料有自家製芋圓地瓜圓，又唔係好食得出芋頭或者地瓜味🍠，就係一粒粒上左色的糯米丸子🍡，唔算好突出。仲有標榜全球首創的椰糖珍珠，聲稱用椰子汁液🥥做成，比一般的珍珠low GI啲，健康啲。味道真係唔算好甜，口感又未算好煙韌，感覺係比一般珍珠少加工啲既。不過椰糖珍珠未係粒粒獨立分明，可能珍珠係慢煮的過程中痴埋一舊又沒有用凍水隔開，所以呈現一餅餅珍珠狀態。📍整體來講，甜品的食材同味道真係好一般，係比外表噱頭野響左個名堂，所以話成功靠宣傳。