Video
Read full review
2021-11-09
84 views
東哥籠仔點心專門店（太子）😍｜太子 抵食 任食 點心雞煲打邊爐 ｜😋今日我地揾到一間又可以食點心又可以食雞煲同邊爐既餐廳。點唸到可以同時食到點心又可以食到雞煲，勢估唔到佢地可以相遇。其實平時真系好中意食點心，印象中，通常都系朝早或者下午茶先會食點心。今次就第一次系晚餐食點心，一齊黎試下佢！🥰❤️點心：東哥蝦餃王：蝦餃大大粒，蝦真系好彈牙，皮又薄，皮比較黏，整體好鮮甜蟹籽燒賣皇：燒賣王佢既真身竟然系由3粒大大蝦組成，超級彈牙同好鮮味。鮮人參灌湯餃：第一次食甘大既灌湯餃，除左餃子，外圍都有湯浸住，入面爆餡，有微微既人參味。流沙擂沙球：尼個真系好驚喜，外面沾滿左芝麻，炸得好脆，裡面雖然芝麻餡料唔多，但我就覺得岩岩好，甜度剛好，口感又脆又煙韌，好味，我食左兩大粒。🐥雞煲：我地兩個人叫左半隻雞，分量好多，雞煲味道濃郁惹味！仲落左好多配料。雞肉好嫩滑，仲有好多肉，唔系靜系得骨，我自己就好中意啦，辣度就岩岩好，我地叫左小辣，下次試下中辣先。🐮肉類：總共都有5款既任食肉類，包括有肩胛牛肉，牛板腱，西班牙豚肉，澳洲和牛粒，特選頂級肥牛。今次我地就主要食頭3款。肉質望落都唔錯，見到脂肪同肉既比例都唔錯。牛
｜太子 抵食 任食 點心雞煲打邊爐 ｜
😋今日我地揾到一間又可以食點心又可以食雞煲同邊爐既餐廳。點唸到可以同時食到點心又可以食到雞煲，勢估唔到佢地可以相遇。其實平時真系好中意食點心，印象中，通常都系朝早或者下午茶先會食點心。今次就第一次系晚餐食點心，一齊黎試下佢！🥰
❤️點心：
東哥蝦餃王：蝦餃大大粒，蝦真系好彈牙，皮又薄，皮比較黏，整體好鮮甜
蟹籽燒賣皇：燒賣王佢既真身竟然系由3粒大大蝦組成，超級彈牙同好鮮味。
鮮人參灌湯餃：第一次食甘大既灌湯餃，除左餃子，外圍都有湯浸住，入面爆餡，有微微既人參味。
流沙擂沙球：尼個真系好驚喜，外面沾滿左芝麻，炸得好脆，裡面雖然芝麻餡料唔多，但我就覺得岩岩好，甜度剛好，口感又脆又煙韌，好味，我食左兩大粒。
🐥雞煲：我地兩個人叫左半隻雞，分量好多，雞煲味道濃郁惹味！仲落左好多配料。雞肉好嫩滑，仲有好多肉，唔系靜系得骨，我自己就好中意啦，辣度就岩岩好，我地叫左小辣，下次試下中辣先。
🐮肉類：
總共都有5款既任食肉類，包括有肩胛牛肉，牛板腱，西班牙豚肉，澳洲和牛粒，特選頂級肥牛。今次我地就主要食頭3款。肉質望落都唔錯，見到脂肪同肉既比例都唔錯。牛肉都有牛肉味，雖然未去到入口即溶，但牛脂香都唔錯既，和牛粒就比較有咬口。肉類吸曬雞煲既味道，真系好正~
☺️火鍋配料：
配料都有唔少選擇，雖然都係好常見既配料，但絕對夠食~ 我自己就好中意牛百葉，鵪鶉蛋同麻辣豬肉丸。牛百葉吸曬雞煲既湯，超級入味，系甘encire~ 另外一樣就系鵪鶉蛋，真系第一次打邊爐食鵪鶉蛋🤣。鵪鶉蛋既口感好特別，同雞蛋唔同，同街邊食既鵪鶉蛋口感一d都唔同，外面蛋白脆脆地，蛋黃好綿，好濃郁，大家可以試下~麻辣豬肉丸一咬就已經超級爆汁，雖然唔系話真系好麻辣，但真系唔錯~😄
😍我就中意臨尾食個烏冬，飽肚又滿足，仲吸曬湯汁既味道~ 另外佢竟然！仲有炸饅頭！外面真系好脆，入面就好軟綿，仲有好重既椰香味，真系好好味~
Post
