食包 (Closed)

之前經開太子見到一間色彩繽紛🏳️‍🌈充滿玩味感既漢堡店，就已經bookmark左好耐。今日去搵兩個姨甥玩，順便買左幾款burger同佢地一齊share食。 小店裝修簡潔鮮明，顏色配搭鮮艷，門口大大個logo，係對面街都清楚見到。店舖面積唔大，用左開放式廚房提高空間感。小店所有食品都係即叫即整，等緊食物既時間可以去high table既【姜濤打卡位】影相📸️。（鍾意 #姜濤 既朋友仔就唔好錯過啦！）堂食位置有限，每次只可以容納到四位客人，大部分都以外賣為主！ ⦁🍔WB經典漢堡 $62漢堡扒可以揀牛/豬，我就揀左牛肉。牛肉漢堡用料十足，食落有咬口之餘，肉汁好多。配埋番茄生菜，芝士片同流心蛋，味道香濃，大大份，十分飽肚。 ⦁🍔WB芝士菠蘿雞堡 $68炸雞超大塊超厚，配埋多汁嘅菠蘿，成個包食落去十分之開胃，麵包鬆軟，配埋一齊又唔會太乾。 ⦁🌭WB經典熱狗 $38連熱狗都有得揀，分別有原味同埋匈牙利辣腸。因為俾小朋友食，我就揀左原味熱狗腸，皮脆多汁，茄汁芥末醬鋪滿整個包，如果想更惹味，店內仲有酸青瓜醬提供。 ✨升級套餐只需加 $18，包一份小食同罐裝飲品，抵食。仲可以加 $5，配搭不同口味