鮨世屋

Open Now

Now Closed

餐廳岩岩新開冇耐，環境好乾淨，店內雖然唔大，但仲有吧枱位提供客人速食。兩位主廚都風趣幽默，間唔中都會同客人傾下計，令到等待變得冇咁苦悶。（btw 係即叫即整） 特上壽司十貫 $178（海膽、三文魚子、赤身、紋甲墨魚、赤貝、油甘魚、深海池魚、赤海蝦、帆立貝、三文魚）海膽味道好鮮，唔會苦澀。三文魚籽大粒之餘，份量都多。油甘魚魚油味勁濃，我勁鍾意！其他魚生都好鮮甜，聽主廚講魚生都係新鮮運到，所以先keep到咁新鮮！仲有好貼心問一問食既時間，而安排乾冰數量 火炙壽司盛合八貫 $78（三文魚、帆立貝、左口魚邊、蟹棒、鰻魚、三文魚皮、醬燒玉子、他他醬赤蝦)火炙完，好似畫龍點睛咁點亮左尼八件壽司，尤其係蟹棒、帶子、三文魚等都好正好香，炙燒完魚油更加出！另外炙燒玉子甜度同蛋香都好平均。 蒲燒鰻魚、汁燒白鱔 $38/款平時鰻魚食得多，今次我仲嗌多左份白鱔黎比較，結果我開始迷上白鱔爽脆既口感。 蟹肉忌廉餅 $35尼款忌廉餅，就算外賣自取，番到去都仲熱辣辣🔥。入面好多蟹肉同滿滿忌廉汁，比起donki更加大件。另外仲配左一大堆酸瓜醬，就算唔沾醬都好好味！必叫！