土司工坊 (Closed)

今日超大雨呀，本身諗住去雞地食飯架，但係真係太大雨所以都係折返去新元朗中心食，其實都無咩揀，最後去左toast box。叫左個斑蘭蛋糕，喇沙麵同埋咖喱雞薄餅。野飲叫左凍美綠同凍咖啡。個斑蘭蛋糕一食落去好鬆軟既，味道都幾好唔會好甜，呢個幾好食，但就覺得貴貴地，因為得好少。凍美綠係我好中意飲既飲品，覺得好好飲，男朋友就話凍咖啡太甜。而個喇沙麵同埋咖喱雞薄餅既份量都係得好少，咁大食既我係唔夠食架！喇沙麵味道係夠既，但當想繼續食繼續食既時候就已經無晒嚕。咖喱雞薄餅都係濃味野黎既，但係份量都係唔多，兩塊薄餅得好細塊，男朋友係唔夠食，佢食完就係咁搶我果d 黎食，搞到我食完都唔飽。如果細食既朋友都可以去試下。