太平洋酒吧 (將軍澳中心)

Open Now

Now Closed

估唔到一間酒吧一早就開，而且環境又好，坐得好闊落，係度食下飯坐下都幾舒服！我地叫佐一個照燒汁雞扒all day breakfast，另加茄汁豆，炒蛋，窩夫，薯餅。雞扒都幾大塊，雞皮有啲焦脆，雞肉完全唔鞋口，好嫩好滑，配埋滑捋捋既炒蛋，脆口既薯餅，已經係好好既配搭，窩夫亦軟綿綿幾有咬口，同樣好食！另一個All day breakfast我地叫佐炸魚柳，配薯條，窩夫同埋沙律蛋，沙律蛋好綿滑，口感好好，薯條亦炸到好脆，魚柳都係一切落去就索索聲，但魚肉就好滑好嫩，成個配搭直情係元氣滿滿呀！小食我地食佐一口德式腸，一粒粒好易咬，煙煙韌韌，肉味濃郁，腸仔表面都係脆口既，口感一流呀！