Video
Read full review
2022-08-16
346 views
第二次來 好推介之前見到開新鋪唔敢入去 因為門口好大大隻佬 之後係見入邊有姨姨先夠膽入去 餸嘅價錢有10-20蚊一份不等 白飯$10 我嗌外賣所以唔需要飯諗住自己返去煲 第一次食係：薯仔雞翼+咖哩雞 total$35第二次食係：蘿蔔牛腩+酸菜魚+口水雞+茄子 total$75哩個價錢原本諗住試下冇蝕底 但係試左之後覺得驚為天人 十幾蚊一份餸肉菜完全冇少 份量好大 攞筷子一夾全部都係肉 圖中已經係我食左一餐（諗住留一半當晚餐）但係依然可以見到好多肉好多分量仲要係我試左咁多款冇一款覺得唔好食 款款都好味服務都好好 姨姨熱情問我食咩 幫我封蓋 有一位男仔聽我諗住留夜晚食 仲提我蓋唔好擺微波爐叮 唔好睇佢一份好細盒 分量真係冇得輸 好抵 好鍾意哩種平價小店 會忍唔住想支持 先來寫食評但係因為係新鋪 我覺得可以有以下嘅改變：1. 搵d姨姨係門口招客 我之前就見到好多大隻佬唔敢入來差d錯過 其實貴店質量咁好應該大膽d去sell2. 提供電子支付 依家大家少俾cash 多d支付方式冇壞3. 餸前希望有牌介紹係咩餸 如果唔係唔知邊個打邊個又唔敢問
之前見到開新鋪唔敢入去 因為門口好大大隻佬 之後係見入邊有姨姨先夠膽入去
餸嘅價錢有10-20蚊一份不等 白飯$10 我嗌外賣所以唔需要飯諗住自己返去煲
第一次食係：薯仔雞翼+咖哩雞 total$35
第二次食係：蘿蔔牛腩+酸菜魚+口水雞+茄子 total$75
哩個價錢原本諗住試下冇蝕底 但係試左之後覺得驚為天人 十幾蚊一份餸肉菜完全冇少 份量好大 攞筷子一夾全部都係肉 圖中已經係我食左一餐（諗住留一半當晚餐）但係依然可以見到好多肉好多分量
仲要係我試左咁多款冇一款覺得唔好食 款款都好味
服務都好好 姨姨熱情問我食咩 幫我封蓋 有一位男仔聽我諗住留夜晚食 仲提我蓋唔好擺微波爐叮
唔好睇佢一份好細盒 分量真係冇得輸 好抵 好鍾意哩種平價小店 會忍唔住想支持 先來寫食評
但係因為係新鋪 我覺得可以有以下嘅改變：
1. 搵d姨姨係門口招客 我之前就見到好多大隻佬唔敢入來差d錯過 其實貴店質量咁好應該大膽d去sell
2. 提供電子支付 依家大家少俾cash 多d支付方式冇壞
3. 餸前希望有牌介紹係咩餸 如果唔係唔知邊個打邊個又唔敢問
Post
