羅富記粥麵專家 (Closed)

星期六，黃雨。朋友卻要冒大雨去上環辦事，搞掂左就約我食飯，嘩我好掛住d鯪魚球，所以決定嚟羅富記。下午5點，兩隻落湯雞步入店內，找了個卡位坐下了。熱，雖然見到天花板有七部冷氣機，但仍標汗中，唔想食粥，叫碗麵，朋友睇左陣，叫個鯇魚片，當然仲有必食的鯪魚球！好快有得食。麵上先。麵幾爽唔淋，雲吞中size 倒。好標準。鯪魚球就十年如一日一d都冇變，份量冇少，外脆內香，仲有一樣冇變的就係我又辣親個咀唇！朋友叫的鯇魚生，幾多配料，另仲有好多油，唔腥，不過，淡水魚生，我始終怕有蟲，唔肯食，所以俾唔倒評價，但從朋友lam lam脷的樣子，相信係好鮮味好食的。希望此小店我下次嚟仍不變，不過我不要再辣親個咀！